وحشنى الهمس فى همسك

وحشتيني..
وبُعدي عن عنيك السودْ..
على عيني .
وحشتيني ..
وشوقي كل يوم بيزيدْ ..
لأحلى خدودْ..
تزينها نجومْ وورودْ..
وصوتكْ لو يصحيني.

وحشتيني.
وحشني الهمس في همسكْ .
ونبض الحب في حِسِّكْ .
وغيرتي لو نسيم الصبح ...
يا عمري...
في يوم مسِّكْ.
أنا بكره اللي جاي ليكِ
أنا يومكْ .
أنا أَمسكْ .
وبعدي عن دفاء قلبك بيكويني

وحشتيني
بجد بقول وحشتيني
وإيش يرضيك يرضيني .
وتفديكِ عيون القلبْ ..
تفديكِ شراييني
وعين ما شافت غير حسنكْ .
بتشهد لكْ ..
وكل الكون بيشهد لكْ ...
بإنكْ شمس في جبيني .

وحشتيني
ولما في يوم أعود ليكِ
وأحط ايدي في إياديك
وابدأ خطوتي بيكِ ..
وأضمك ضمة المشتاقْ ..
تضميني.
وترويني .
ومين غيرك يرويني
ومين غيرك يسقيني
وأنا العطشان و طال بعدي
و قلبك أغلى شيء عندييا ست الحسن يا ( ? )

زائر

بجد انتى هتخلينا فى شوق دايما لمعرفة اسهاماتك اللى بجد ممتازه