اولا هايات عليكم يا شويه اشقيه عساسيل
من اولها كده اللي هيتريق ميردش عشان بزعل
بهزر
ابنهارده كنت في درس عند مدرس (غريبه اوي درس عند مدرس ) لالا ولا غريبه ولا حاجه انا علطول كده
المهم المجموعه دي اول مره احضر معاهم وميعرفونيش من الاخر كانت بنت !!!
انا طبعا قاري التوبيكات بتاعت الغلاسه هنا وحافظها
حواري مع البنت
انا .. المستر موجود
هي .. لا اتفضل
انا .. شكرا
انا برده .. (شغل غلاسه بقي ) انتي اسمك ايه
هي ... سلمي وانت
انا ... احمد بس بيقولولي يا ميدو (لحد هنا لطيف اوي معاها )
هي ... طيب يا احمد زمان المستر جاي
انا علي فكره مش بحب حد يقولي احمد عشان كده اتنرفزت وقررت اقلب بقي
انا .. بس شكلك كده مش شاطره صح
هي ( شغل رزاله) لا اشطر منك يا خفيف
انا في دماغي ايه البت اللبط دي
انا .. انتي وزنتيني !!
هي....انت دمك مانجا يالهوي !!
انا ... مانجا ولا فراوله
هي ... احنا فتحناها فكهاني
انا... ايه الظرافه دي !!
هي ... مش هتيجي جنب خفه دمك حاجه
انا .. منا عارف كله بيقولي كده !!
هي ... بجد !!
انا .. اه طبعا انا زي العسل طبعا
هي طيب اوعي تلزق بقي
انا بلاش الظرافه دي عشان بتخنق علي فكره
هي طيب طيب انا هسكت خالص
انا احسن برده الواحد صايم ومصدع
هي ... هو انت بتصوم زي الناس اليوم كله
انا .. ابتدينا نستظرف !! لا بصوم نصه !! وبتعب
هي .. ما انا قولت كده برده
انا .. لا ما سمعتكيش انتي قولتيي حاجه
هي .. لا ما اتنيلتش قولت حاجه
انا ... ايه ده واتنيلتي كمان !! لا ما شوفتكيش يمكن عشان صايم
هي ... انا هقوم
انا طيب احسن برده هترحيني
ترن ترن ترن ده المستر
وقامت فتحت و شررح الدرس يا خساره كان نفسي اكمل غلاااااااااااسه !!!
بس مش غلس اوي يعني !! صح
اي حد بقي عمل حاجه زي كدا او غلس علي حد او كده بس يكون هو فعلا يخش يحكلنا علي اللي عمله
محدش ياخد الفكره دي عني انا اصلا بحب الضحك وكده بس قولت اغلس عليهاااااااااا
الإثنين أكتوبر 13, 2008 11:07 am