بسم الله الرحمن الرحيم
الاول بهنيكى يا همس الروح على الموضوع الجميل ده اللى انتى دايما معودانى على مواضيعك الجميله
اما بالنسبه للشك فا الانسان ما بيتولدش شكاك يعنى هو ما بقاش كدا من فراغ كل انسان بتبقى الصفات الحميده هى الغالبه عليه والشك طبعا مش منها لكن مع مرور الزمن وكتر التجارب مع الاخرين بيبدا يكون فكره عن المجتمع والناس وبيبص يلاقى نفسه لازم وحتمى انه يشك فى كل حاجه بشوفها او اى تجربه بيمر بيها لانه مش عايز يتخدع مره تانيه لانه بصراحه الامثله السيئه كتير جدا فى المجتمع حاليا وغطت على الناس الكويسه لان السيئه بتعم والحسنه بتحص النت مثلا اى حد يدخل غرفه من غرف الشات ويشوف هيخرج بانطباع ايه هل هيبقى سعيد ولا لا الاجابه مش محتاجه تفكير اكيد مش هيبقى سعيد
الشك مش فضيله ولا هو ذكاء بس هو الانسان لابد انه انه يبقى حريص فى تعاملاته مع الاخرين علشان ما يتصدمش فيهم بعد كدا لان الناس ما بقتش زى الاول
اما الانسان طيب القلب محبوب اه بس فى الغالب مستغل من معظم الناس وطيبه القلب عمره ما هتكون علاقه انسانيه لانه بعد فتره هيكتشف انا معظم اللى وثق فيهم مش ناس كويسين او انهم ما كانوا على يستاهلوا الثقه دى
اخر حاجه احب اقولها لا يجوز اننا نخوض فى اعراض اصدقائنا او ان نذكرهم بسوء لان ده مش ذكاء ولا حاجه ده غيبه فى الناس
وشكرا ليكى يا همس على الموضوع الجميل
الثلاثاء نوفمبر 11, 2008 5:50 pm