أحبك / أعشقك / أهواك / وأموت فيك بس مدري ليه مع هذا أكرهك

مدري هو حب وإلا جنون انه كل ماناديتني جيت لك وبرواقة بال
وإلا هبال متمرد نست إنه في هذا الزمن مابه محبه صادقه وخوان

هذا أنا كنت قدامك كلي لك
تبعثرني تلملمني/ تنثر أشواقي /تحرق بقايا أوراقي/وببسمة ترضيني

مدري لمتى ببقى طفل تمسح دموعها بلعبة تصدر أصوات وأغاني

يمكن أحبك ..وأعشقك .. وكنت في بالي
بس الأكيد إني ماعدت أذكرك
وكل الي لك في داخلي غبار ذكرى تافهة

إيه أحيا بقربك وأموت لأجلك ومقوى بعادك

بس ودي أسألك
كم مرة غلطت باسمي وقلت يافلان
وكم مرة عديتني ضمن غلطاتك
ودي أسألك
كم مرة غلطت بعد زلاتك.. وتعيد العد من ثاني
تواسيني لجرح جرحت به شخص ثاني
مالومك مو أنا واحد من ألف رجل في قاموس عشاقك

ودي أفهمك/ ودي أعرفك / ودي أمحي كل ذكرياتك
وكل مرة أرجع أقول يمكن يتوب ويرجعلي من ثاني
وكل مالك تزيد بذنوبك .. وأستغفر لزلاتك
مدري هو خطا مني وإلا هو شي مستأصل في ذاتك
إنك تحب وترجع تخون .. وترجع تحب من ثاني ومن ثم تخون
غلطتي معك إني كل ماجيتني ودمعتك تسبق سلامك
أنسى جرحك / امحي دمعك .. وخلنا نعيش حبنا من ثاني
دوم تخطي .. دوم أسامح .. وتعتذر وأنسى وتخطي وتنساني

بس تدري

أنا معك ... ماغلطت إلا مرة

لما اعترفت أني أحبك ,, ومت بترابك