اتفرجى على الموضه

زائر

اتكلمنا كتير، صح؟ وطبعا دلوقتي نفسك تتفرجي على الموديلات اللي نازلة جديدة بس قبل ما نتفرج على الموديلات دي عايزة أوضح لك نقطتين هامين جدا جدا جدا وهما..
أولاً
الموديلات اللي بنعرضها دي ما هي إلا تصميمات إحنا جبناها علشان تساعدك إنك تعرفي آخر خطوط الموضة وده مش معناه إنك تنفذيها زي ما هي بالحرف لكن ممكن تستوحي منها أفكار تناسبك.
ثانياً
إذا عجبك موديل ممكن تشوفي خيّاطة كويسة وتطلبي منها إنها تدخل التعديلات اللي إنت عايزاها يعني مثلاً لو كمه قصير زي اللي موجود في الصور ممكن إنها تصمم لك نفس الموديل بس بكم طويل علشان يناسبك لو كنت محجبة..
يعني من الآخر كده كل الموديلات دي يمكن تغييرها بأشياء بسيطة وأنيقة تناسب الفتاة المحجبة.
ودي الموديلات والألوان الجديدة اللي نازلة في 2009
مجموعة الفساتين
الدرجة دي من اللون الأزرق نازلة جديد واللون ده مناسب للبنت اللي بشرتها بيضاء وعلى فكرة التصميم ده مناسب للبنت الرفيعة واللي جسمها مليان

البني المحروق رجع موضة تاني في 2009 بعد ما اختفى لفترة وعلى فكرة الشكل ده مناسب للبنت اللي جمسها متناسق

واللون الموف مناسب جدا للبنت اللي بتحب تكون متميزة في اختيار ألوانها... على فكرة الشكل ده مناسب للبنت اللي عندها "بطن" علشان التطريز اللي موجود فيه هيداري امتلاء منطقة البطن

ولو عايزة تتألقي فعلا يبقى اختاري اللون النبيتي... على فكرة اللون ده بيليق على البنت اللي بشرتها فاتحة والبنت اللي بشرتها غامقة لأنه بيفتحها وده طبعا على عكس ما فيه ناس كتير فاكرة إن اللون ده بيغمق البشرة

واللون الذهبي هو الموضة الجديدة في سواريهات 2009

طبعا الأسود هو الملك المتوّج على عرش السهرات بس التصميم اللي إنت شايفاه ده جديد جدا ويناسب البنت اللي جسمها مليان وجسمها متناسق

لو عايزة تبقي بنت رقيقة فعلا يبقى اختاري الشكل واللون ده

ودايما اللون الأحمر هو الاختيار المفضل للبنت الجريئة

ومع اللون الأسود × أبيض هتحسي فعلا بالتألق

ومع الشكل ده ممكن تختاري أي لون إنت عايزاه وتعملي تصميم زيه بالضبط

مجموعة البدل والتاييرات
تايير سواريه نبيتي يناسبك لو كنت هتحضري حلفة خطوبة أو فرح في أي قاعة أو في البيت.

بدلة سواريه سوداء فيها تطريز من على التوب ومن على الجاكيت ممكن تختاري التصميم ده وتعملي زيه بدلة باللون اللي إنت عايزاه

تايير سواريه أحمر فيه تطريز من على الجوب هتحسي معاه فعلا بإنك في منتهى الشياكة

تايير بسيط مناسب لو كنت هتحضري حفلة في بيت

دي كمان بدلة بسيطة تقدري تلبسيها وتحضري بيها أي حفلة في البيت

يا رب ذوقنا واختيارنا للموديلات يكون عجبك
واوعي تنسي تبعتي وتقولي لنا على رأيك بمنتهى الصراحة
سلاااام

اولا حمدالله على السلامه0000نورت المنتدى بعد الغيبه
ومشكور وتسلم ايدك

زائر

الله يسلمك يا همس الروح والله الغياب كان لظروف خارجه عن ارادتى وشكرا على مرورك الرد الجميل

زائر

نورتنا يا حبيب الروح
خيك في الله الفارس

و انا دخلت اليوم علاشان ارحب بكريم و اقوله انكم اخواتي في الله من اول الادارة حتي اجدد عضو يا كريم و بتمني ان ينول المنتدي اعجابك

صديقك الفارس الحزين يا ملك الرومانسيه

جميل موضوعك تسلم يا حبيب الروح