مش زى بعضها

موضوع: مش زى بعضها الأحد مارس 21, 2010 11:11 am

فى قلوب ممكن تحلم
وقلوب تفضـــل تندم
وقلوب ممكن تـــفهم,,,الحب بألف معنى
,,,,,,,,وقلوب الناس مش زى بعضيها

فى قلوب ع الحب داسو,,,وقلوب فى الحب قاسو
وقلوب تقسى وتخدع قلــــب الحبيب وإحســـاسه
وعيــون الغدر فيهــــا,,,وعيون شوقهـــا ماليها
وعيون قاسية ومكــارة لكن تشوفها تدوب فيهـــا
فى ناس للحب مـــايلة,,,فى ناس للحب شايلـــة
فى ناس قلبهـــا طيب بس بتحب ومش طــــايلـة

آآآه لو أحلامنا تتصدق
لـــو أحلامنــــا تتحقق
لو نعـــرف حتى نفرق,,,بين الخيال وحياتنا
,,,,,,,,,,,كل الأحلام مش زى بعضيها

أحلام حلوة وجميلة,,,أحلام سودا وكحيلة
أحلام ممكن نعيشها وتكون أوقاتها طويلة
أوهـام تبقى بريئــة,,,أوهام تصبح حقيقة
أوهام تاخدنا معاهــا نلاقيها بحور غريقة
عايزين الحلم دايم,,,عايزين الوهم عايم
عايزين الكل يحلم اللى بينــام واللى قايم

آآآه لو أيامنا بنختارها
ولا حيـــاتنــــا نقدرها
لو نعرف ايه مصيرها,,,وفين نهايتنا
,,,,,,,,,,,حتى الأيام مش زى بعضيها

أيــام فيها ابتســــامة,,,أيام فيهــا ملامـــة
أيام فيها فرحنــــا فاتت خلاص بالسلامـــة
أحزان كانت ماضينا,,,أحزان بيها رضينا
أحزان تعبنا منها وعشنا يومينهـــا وقضينا
أوقات أفراح هنية,,,وساعات حزن وقسية
وساعات تضحك قلوبنــاوبتبكى بعد شويــة