رجعنا من تانى ...

موضوع: رجعنا من تانى ... الأحد مارس 21, 2010 11:44 am

رجعنـــا من تـــــانى رجعنــا
خلاص بقى خلصت مواجعنا
ويا فراق لــــو كدة تسمعنــا....مش هنفترق مهما كان
رجعنا نكمــــل حكـــايتنـــــا
وهنعيش مع بعض حيــاتنـا
وهنعوض كل مـــا فاتنــــــا....اه يا دنيا احلوى كمــان
رجعنــــــا نعلـــم قصتنـــــا....كل عــــاشق أو ولهــان
وهنكمـــــل أمنيــــاتنــــــــا....اللى حلمنا بيها زمـــان

رجعنا يا ليلنا عشان نسهر
وحبنـــــا جوانـــــا هيكبــر
ومش ممكــــن حد هيقـــدر....يفرقنـــا تانى يا ليـــل
وطول ما حبيب قلبى معايا
هعوز ايه انـــا من دنيايـــا
خلاص مانا حققــت منايــا....بعد غيبة وصبر طويل
رجعنــــا وهتغنى قلوبنــــا.... من فرحنا بلحن جميل
ومهمــا نقول اننـــا دبنــــا....الكلام فى هوانــا قليـل

رجعنــا وشايفين حولينـــا
طيور الحــــب تهنينــــا
وتملانا بشــوق ليـــالينـــا....واتولــد جوانــا حنيـــن
وهنعيش أيــــامنا الجــايـة
وانا معايـــــا أعز ما ليــــا
وإيده هتفضـــل فى إديـــــا....وهنطير احنـــا الاتنيــن
رجعنـــا ورجعنــــا الفرحة....عشان تملى حياة قلبين
وفتنــــا الأيام الجـــــارحة....اللى عشناهــا غــايبيـن

رجعنــا وخلصت غربتنـا
وانتهت بقى كدة غيبتنــا
ومهمـــا الأيـــام تعبتنـــا....احنــا أقوى من الأيــــام
هنتحدى الدنيا بحـــالهــا
وكلمة حبنــا هنقولهـــــا
بصوت عالى وهنوصلها....لـلقمـــر والشمـــس أوام
رجعنا لبعض مـرة تانيـة....ودايبين فى حنين وغرام
رجعنـــا وهنقول للدنيـــا....إن حبنــــا مش أوهــــام